232 பேர்களில் 170 கோடீஸ்வரர்கள்.

-


தமிழக்கத்தில் சட்டசபையில் தற்போது  170 கோடீஸ்வர எம்.எல்.ஏ.,க்கள் இருக்கிறார்கள் . 
சராசரியாக, ஒவ்வொரு எம்.எல்.ஏ.,வுக்கும், 8.21 கோடி ரூபாய் அளவுக்கு சொத்துகள் உள்ளன. 
100 கோடி ரூபாய்க்கும் அதிகமாக சொத்துகள் உடைய மூன்று எம்.எல்.ஏ.,க்களில், முதல்வராக பதவியேற்க உள்ள ஜெயலலிதா முதல்வராவும் இடம் பெற்றுள்ளார்.
தேர்தலின் போது வேட்பாளர்கள், தங்கள் வேட்புமனுக்களுடன் தாக்கல் செய்த பிரமாண பத்திரங்களை ஆய்வு செய்த, ஏ.டி.ஆர்., என்ற, ஜனநாயக சீர்திருத்த சங்கமும், 'தமிழ்நாடு எலக் ஷன் வாட்ச்' அமைப்பும், புதிய எம்.எல்.ஏ.,க் களில் எத்தனை பேர் கோடீஸ்வரர்கள் என்பது குறித்த விவரங்களை வெளியிட்டுள்ளது. 
மொத்தம், 232 எம்.எல்.ஏ.,க்களில், 223 பேரின் விவரங்கள் மட்டும் வெளியிடப்பட்டுள்ளது.

தமிழக சட்டசபைக்கு புதிதாக தேர்ந்தெடுக்கப்பட்டுள்ள எம்.எல்.ஏ.,க் களில், சொத்து விவரங்கள் வெளியிடப்பட்டுள்ள, 223 பேரில், 170 பேர் கோடீஸ்வரர்கள்.
இது, மொத்த எம்.எல்.ஏ.,க்களில், 76.2 சதவீதம்.
கடந்த, 2011ல், 120 கோடீஸ்வர எம்.எல்.ஏ.,க்கள் இருந்தனர்; இது, 51 சதவீதம்.
14வது சட்டசபையை விட, 15வதுசட்டசபையில், கோடீஸ்வர எம்.எல்.ஏ.,க்களின் எண்ணிக்கை, 25 சதவீதம் அதிகம். 
புதிய எம்.எல்.ஏ.,க்களில், 36 பேருக்கு, 10 கோடி ரூபாய்க்கும் அதிகமாக சொத்துகள் உள்ளன.
புது எம்.எல்.ஏ.,க்களில், 100 கோடி ரூபாய்க்கும் அதிகமாக சொத்துகள் வைத்திருப்பவர்கள் மூன்று பேர். அவர்களில், 337 கோடி ரூபாயுடன் முதலிடத்தில் இருப்பவர், திருநெல்வேலி மாவட்டம், நாங்குநேரி தொகுதி காங்., - எம்.எல்.ஏ., வசந்தகுமார். 

170 கோடி ரூபாயுடன் தி.மு.க., - எம்.எல்.ஏ., மோகன், இரண்டாவது இடத்தில் உள்ளார். 

முதல்வராக பதவியேற்க உள்ள அ.தி.மு.க., பொதுச் செயலர் ஜெயலலிதா, 113 கோடி ரூபாய் சொத்துகளுடன்,இப்பட்டியலில் மூன்றாவது இடத்தில் உள்ளார்.
இந்த, 15வது சட்டசபையில் உள்ள ஒவ்வொரு எம்.எல்.ஏ.,வுக்கும், சராசரியாக, 8.21 கோடி ரூபாய் சொத்துகள் உள்ளன. இது, 2011ல், 3.98 கோடி ரூபாயாக இருந்தது.

கட்சி வாரியாக, அ.தி.மு.க., - எம்.எல்.ஏ.,க்களின் சராசரி சொத்து மதிப்பு, 4.54 கோடி ரூபாய்;
தி.மு.க.,வுக்கு, 10.25 கோடி ரூபாய்;
காங்கிரசுக்கு, 50.18 கோடி ரூபாய் என்றளவில் உள்ளது.
புதிய எம்.எல்.ஏ.,க்களில், 32 பேர், வருமான வரி விவரங்களை தெரிவிக்கவில்லை.
அதேபோல, 223 எம்.எல்.ஏ.,க் களில், 90 பேர், ஐந்தாம் வகுப்பு முதல், 12ம் வகுப்பு வரையும்; 127 பேர் பட்டப்படிப்பு வரையும் படித்துள்ளனர். 

மேலும், 82 பேர், 25 முதல், 50 வயது உடையவர்களாகவும்; 140 பேர், 51 வயது முதல், 80 வயது உடையவர்களாகவும் உள்ளனர்.
223 எம்.எல்.ஏ.,க்களில், 18 பேர் பெண்கள். 2011ல், 17 பெண் எம்.எல்.ஏ.,க்கள் மட்டும் இருந்தனர். 
=======================================================================================
இன்று,
மே-26.
  • ஜார்ஜியா மக்களாட்சி குடியரசு அமைக்கப்பட்டது(1918)
  • பிரிட்டன் கலானா விடுதலை அடைந்து கயானா எனப் பெயர் மாற்றம் பெற்றது(1966)
  • ஐரோப்பிய கொடி, ஐரோப்பிய சமூகத்தால் பெறப்பட்டது(1986)
=======================================================================================

இந்த வலைப்பதிவில் உள்ள பிரபலமான இடுகைகள்

விகடானந்தா நிலவரம்

-
படம்
 விகடன் குடும்பத்தில் சொத்துச் சண்டை – சரிக்கட்ட பாஜகவிடம் பேரம் பேசிய சீனிவாசன் .இதுதான் பத்திரிகை உலக இன்றைய கழுகார் பரபரசெய்தி. விகடன் குழுமத்தின் நிர்வாக இயக்குநர் சீனிவாசனின் குடும்பத்தில் மீண்டும் சொத்துச் சண்டை உச்சத்தை அடைந்திருப்பதாக தகவல்கள் வருகின்றன. சீனிவாசனின் தந்தை பாலசுப்பிரமணியனுக்கு 5 மகள்களும் உள்ளனர்.  தாத்தாஎஸ்.எஸ்.வாசன் சேர்த்துவைத்தை சொத்துகள் மற்றும் விகடன் குழுமத்தை மொத்தமாக சீனிவாசன் அபகரித்து விட்டதாகவும். கொஞ்ச நஞ்ச சொத்துக்களைக் கொடுத்து பின்னால் செய்கிறேன் பின்னால் செய்கிறேன் என சகோதரிகளை ஏமாற்றிவிட்டதாகவும் குடும்பத்தில் அடிக்கடி குடுமியைப் பிடித்துக் கொள்வது தொடர்ந்துவந்தது. 2001 ஆம் ஆண்டு விகடன் குழுமத்தின் மொத்த அதிகாரத்தையும் கையிலெடுத்த சீனிவாசன்,  தந்தை பாலசுப்பிரமணியத்தை ஒதுக்கி வைத்துவிட்டு சகோதரிகளையும் ஏமாற்றி வந்ததாக அப்போதே பல தகவல்கள் வெளியாகின. இதனால், மகனோடு கோபித்துக் கொண்டு சென்ற பாலசுப்பிரமணியனை அப்போதைய மூத்த பத்திரிகைகுடும்பத்தைச் சார்ந்த ஒருவர் சமாதானப்படுத்தி அழைத்து வந்துள்ளார். அதன் பின்னரும் சீனிவாசனின் ஏமாற்றுப் போக்கை சகித்துக்
மேலும் படிக்கவும்

பொய்.பொய்யைத் தவிர வேறில்லை.

-
படம்
  முதலமைச்சர் மு.க.ஸ்டாலின் இன்று மதுரை பயணம் மேற்கொள்கிறார். அங்கு மறைந்த பிரபல பின்னணி பாடகர் கலைமாமணி டி.எம். சௌந்தரராஜனின் முழு திருவுருவச் சிலையை திறந்து வைக்க உள்ளார்.  அதனைத் தொடர்ந்து நாளை முதல் 2 நாட்கள் ராமநாதபுரம் மாவட்டத்தில் சுற்றுப்பயணம் மேற்கொண்டு பல்வேறு நிகழ்ச்சிகளில் பங்கேற்க உள்ளார். மதுராந்தகம் அருகே திருச்சி - சென்னை தேசிய நெடுஞ்சாலையில் அதி வேகத்தில் சென்ற கார், நிலைத்தடுமாறி பள்ளத்தில் கவிழ்ந்து விபத்துக்குள்ளானது . இந்த காரில் பயணம் செய்த 3 பேர் சம்பவ இடத்தில் உயிரிழந்தனர்.  தஜகிஸ்தானில் லேசான நில அதிர்வு ஏற்பட்டுள்ளது. ரிக்டர் அளவில் 4.2 ஆக பதிவாகி உள்ளது. தஞ்சை மாவட்டத்தில் அதிமுக முன்னாள் கவுன்சிலர் பிரபு வெட்டி படுகொலை செய்யப்பட்ட சம்பவம் பெரும் அதிர்ச்சியை ஏற்படுத்தி உள்ளது. ஆடி அமாவாசையையொட்டி கன்னியாகுமரி, நெல்லை, தென்காசி மாவட்டங்களில் உள்ளூர் விடுமுறை அறிவிக்கப்பட்டுள்ளது.   ஹவுரா திருச்சி ரயில் ரத்து செய்யப்பட்டுள்ளது. ஒடிசாவில் நடைபெற்று வரும் பராமரிப்பு பணிகள் காரணமாக ரயில் சேவை ரத்து செய்யப்பட்டுள்ளது. திருச்சி ஹவுரா இடையே ஆகஸ்ட் 18,22,25 ம் தேதிக
மேலும் படிக்கவும்

கட்டுமானம் ஆரம்பம்?

-
படம்
  சந்திராயன் -3 விண்கலத்தில் உள்ள லேண்டர் கேமரா மூலம் எடுக்கபப்ட்ட நிலவின் புகைப்படத்தை இஸ்ரோ வெளியிட்டுள்ளது. மதுரையில்  பாடகர் டிஎம்.சௌந்தராஜனின் சிலையை முதலமைச்சர் மு.க.ஸ்டாலின் திறந்து வைத்தார். தமிழக -கர்நாடக எல்லையான பிலிகுண்டுலுவில் காவிரி நீர் வரத்து விநாடிக்கு 8 ஆயிரம் கன அடியில் இருந்து 10 ஆயிரம் கன அடியாக உயர்வு புதுச்சேரிக்கு மாநில அந்தஸ்து வழங்க கோரி அனைத்து எம்.எல்.ஏக்களையும் அழைத்து சென்று பிரதமரிடம் கோரிக்கை வைக்க உள்ளேன் - புதுச்சேரி முதலமைச்சர் என்.ரங்கசாமி . திருநெல்வேலி, கடலில் மூழ்கி உயிரிழந்த சிறுவர்களின் குடும்பத்தினருக்கு முதலமைச்சர் மு.க.ஸ்டாலின் நிதியுதவி அறிவித்துள்ளார்.  முதலமைச்சரின் பொது நிவாரண நிதியிலிருந்து தலா ரூபாய் 2 லட்சம் வழங்க முதல்வர் உத்தரவிட்டுள்ளார்.. நீட் தேர்வை ரத்து செய்யாத ஒன்றிய அரசையும், நீட் ஆதரவாக தனது பதவிக்குரிய கண்ணியத்தை மறந்து மூன்றாந்தர அரசியல் செய்யும் ஆளுநர் ஆர்.யன்.ரவியையும் கண்டித்து திமுக இளைஞர் அணி, மாணவர் அணி, மருத்துவ அணி சார்பில் தமிழ்நாடு முழுவதும் வரும் ஆகஸ்ட் 20ம் தேதி அந்தந்த மாவட்டத் தலைநகரங்களில் உண்ணாவிரத போராட்டம்
மேலும் படிக்கவும்