இன்றைய செய்தி,நாளைய வரலாறு. நாளைய வரலாறை படிப்போம்.

செவ்வாய், 12 டிசம்பர், 2017

பத்துக்கு ஒன்று தவறு .

உலக சுகாதார நிறுவனம் சமீபத்தில் செய்த ஆய்வில்,  இந்தியா உட்பட வருவாய் குறைவான நாடுகளில் விற்பனை செய்யும் பத்து மருந்துகளில் ஒரு மருந்து தரம் குறைந்தது அல்லது தவறான கலவை மருந்து என்ற அதிர்ச்சி தகவல் வெளியாகியுள்ளது. 

கடந்த பத்தாண்டுகளில் முதன் முதலாக இந்த ஆய்வறிக்கையை உலக சுகாதார நிறுவனம் வெளியிட்டுள்ளது.

உலக சுகாதார நிறுவனத்தின் இயக்குநர் டெட்ரோஸ் அத்னோம் கெபிரேயஸ், “வருவாய் குறைந்த கீழ் மட்டத்தில் வாழும் மக்கள் போலியான மருந்துகளால் பாதிக்கப்படுகின்றனர். 


ஆப்பிரிக்க நாடுகளில் விற்பனையாகும் மருந்துகளில் 42 சதவிகிதம் தவறான மருந்துகள். வட அமெரிக்கா, தென் அமெரிக்காவில் விற்பனையாகும் மருந்துகளில் 21 சதவிகிதம் தவறானவை. 

இதே போல் ஐரோப்பா கண்டத்தில் விற்பனையாகும் மருந்துகளில் 21 சதவிகிதம் தவறானவை” என்று சுட்டிக்காட்டியுள்ளார்.

சர்வதேச அளவில் வருடத்திற்கு நிமோனியா காய்சலால் பாதிக்கப்பட்ட 72 ஆயிரம் முதல் 1 லட்சத்து 69 ஆயிரம் குழந்தைகள் போலி மருந்துகளால் பலியாகின்றனர்.

 சகாரா–ஆப்பிரிக்க பகுதியில் அமைந்துள்ள நாடுகளைச் சேர்ந்த மலேரியா காய்ச்சலால் பாதிக்கப்பட்ட 1 லட்சத்து 16 ஆயிரம் பேர் தரம் குறைவான மருந்தால் மரணமடைகின்றனர்.

மலேரியா காய்ச்சலுக்கான மருந்துகள், ஆன்டிபயாடிக் மருந்துகளில் பெரும்பாலானவை தவறான மருந்துகளாக உள்ளன.

 அத்துடன் புற்று நோய், நீரிழிவு, கருத்தடை மருந்து, மனநிலை பாதிக்கப்பட்டவர்களுக்கான மருந்துகள் ஆகியவைகளிலும் தவறான மருந்துகள் இருப்பதாக உலக சுகாதார நிறுவனத்திற்கு வரும் தகவல்களில் இருந்து தெரியவருகிறது.

இவை எல்லாம் போலி, தவறான கலவை, தரம் குறைந்த மருந்துகள் பற்றிய சிறு அளவு தகவல்கள்தான். பெரும்பாலான போலி மருந்துகள் பற்றிய தகவல் தெரியவருவதில்லை. 

அங்கீகாரம் பெறாத மருந்துகள், தரம் குறைந்த மருந்துகள், மருந்து கலவையில் பற்றிய தகவலில் தவறான விபரங்களை அளித்தல் போன்ற மருந்துகள் போலி மருந்துகள் என்று கூறப்படுகிறது.

இந்த போலி மருந்துகள் நோயை குணப்படுத்துவதில்லை என்பது மட்டுமல்லாமல், இவற்றால் உயிருக்கு ஆபத்தை உண்டாக்கும் பல வியாதிகளும் வருகின்றன. 

இந்த போலி மருந்துகளால் ஆபத்தை விளைவிக்கும் நுண்ணியிர்களின் எதிர்ப்பு குறைகின்றது. இந்த போலி மருந்து உட்கொள்பவர்களால் மற்றவர்களுக்கும் நோய் தொற்று ஏற்படுகிறது. 
மருந்துகளை ஏற்றுக் கொள்ளாமல் தடுக்கும் பாக்டிரியா அல்லது வைரஸ்களை அழிக்க முடியாமலும் போகிறது.

கடந்த நான்கு ஆண்டுகளில் எல்லாவித நோய்களுக்குமான தரம் குறைந்த, தவறான கலவை மருந்துகள் விற்பனை செய்வதாக உலக சுகாதார நிறுவனத்திற்கு தகவல்கள் வந்துள்ளன.
=====================================================================================
                                                                                                     அல்லற்கண் ஆற்றுப்பார் நட்பு."
                                                                                      ஊக்கத்தை குறைக்கும்                                                                                           எண்ணங்களையும்,இடர்காலத்தில் நழுவி விடும் நண்பனையும் நாம்                                                               எண்ணிப்பார்க்கவே கூடாது.
ன்று,
டிசம்பர்-12.


  • கென்யா விடுதலை தினம்(1963)
  • இந்திய தலைநகர் கல்கத்தாவில் இருந்து டில்லிக்கு மாற்றப்பட்டது(1911)
  • ரொடீசியா நாடு, ஜிம்பாப்வே என பெயர் மாற்றப்பட்டது(1979)
  • ரஷ்யா, சோவியத் ஒன்றியத்திடம் இருந்து விடுதலை பெற்றது(1991)
  • =====================================================================================

திங்கள், 11 டிசம்பர், 2017

கலக்கல் நாட் குறிப்பு.

சேகர்ரெட்டியின் டைரி சிக்கிவிட்டது.

ஓபிஎஸ் என்று அழைக்கப்படுகிற துணை முதலமைச்சர் ஓ.பன்னீர்செல்வமும் அவரது பினாமிகளும் தமிழகத்தின் அமைச்சர் பெருமக்களும் சேகர் ரெட்டியிடமிருந்து எவ்வளவு வாங்கினார்கள் என்பது பற்றிய குறிப்புக்களை அம்பலப்படுத்தியிருக்கிறது அந்த டைரி.தமிழக அரசியல் களத்தில் - குறிப்பாக அதிமுகவில் எத்தனை செல்வாக்கு படைத்த நபராக மணல் மாஃபியா சேகர் ரெட்டி வலம் வந்திருக்கிறார் என்பதை அந்த டைரிக் குறிப்புகளை வெளியிட்டதன் மூலம் வெளிச்சத்திற்கு கொண்டு வந்திருக்கிறார்கள் தி வீக் பத்திரிகையின் சென்னை செய்தியாளர் லட்சுமி சுப்ரமணியன் மற்றும் டைம்ஸ் நவ் செய்திச் சேனலின் செய்தியாளர் சபீர் அகமது ஆகியோர்.

தேனி மாவட்டத்தின் பெரியகுளத்தில் அமைந்துள்ள ரோஸி கேன்டீனிலிருந்து தனது செய்திக்கான ஆய்வை துவக்குகிறார் செய்தியாளர் லட்சுமி. 
“இது ஓபிஎஸ் ஐயாவின் கேன்டீன். அவர் ஒரு நல்ல மனிதர்; தனது கடும் உழைப்பின் காரணமாக உயர்ந்திருக்கிறார்” என்று அங்கிருப்பவர்கள் கூறியது முதல் ஓபிஎஸ்சுக்கு கோடிக்கணக்கில் தான் வாரி வழங்கியதாக டைரியில் சேகர் ரெட்டி குறிப்பிட்டிருப்பது வரை விரிவாக பதிவு செய்திருக்கிறார். “நல்ல மனிதர்” அப்பட்டமாக அம்பலமாகியிருக்கிறார்.
இந்த டைரி சேகர் ரெட்டியிடமிருந்து வருமான வரித்துறையால் ஒரு சோதனையின்போது கைப்பற்றப் பட்டது. தொழில் அதிபர் என்ற பெயரில் வலம் வந்த சுரங்க மாஃபியா கும்பல் தலைவனான சேகர் ரெட்டி, ஓபிஎஸ்சுக்கு மட்டுமல்ல, தமிழக அதிமுக அமைச்சரவையின் சரிபாதி அமைச்சர்களுக்கு லட்சக்கணக்கில்அள்ளிக்கொடுத்திருப்பதை டைரிக் குறிப்புகள் சுட்டிக்காட்டுகின்றன. 
டைரியின் ஐந்து பக்கங்கள் முக்கியமானவை. 2016 ஏப்ரலுக்கும் நவம்பருக்கும் இடையில் ஓபிஎஸ் உள்பட அதிமுகவின் அமைச்சர்கள், எம்எல்ஏக்கள் மற்றும் அவர்கள் சார்ந்த பினாமிகளுக்கு மொத்தம் ரூ.48 கோடி அளவிற்கு சேகர் ரெட்டி வழங்கி யிருக்கிறார் என்பது அந்தப் பக்கங்களின் மூலம் தெரிய வருகிறது.
“தர்ம யுத்தம்” நடத்திய ஓபிஎஸ் பெயர் இந்த லஞ்சப் பட்டியலில் அதிகமான முறை இடம்பெற்றிருக்கிறது.இந்த டைரி குறிப்புகளை வருமான வரித்துறை ஒருபக்கம் விசாரித்துக் கொண்டிருக்கிறது. 
எனினும் இன்னும் ஒரு முடிவுக்கு வரவில்லை.

ஆனால் தமிழகத்தின்ஆளும் வர்க்கத்திற்கும் மாஃபியா கும்பல்களுக்கும் இடையே உள்ள தொடர்பை இந்த ரகசிய டைரி வெளிச்சத்திற்கு கொண்டு வந்துள்ளது. 
இந்த டைரி குறித்து சேகர் ரெட்டியிடம் கேட்டபோது, எதிர்பார்த்தபடியே, அவர் மறுத்தார். “நான் ஏன் பதில் சொல்ல வேண்டும்? நான் ஏன் பதில் சொல்ல வேண்டும்? முதலில் இந்த டைரி யாருடையது என்று சொல்லுங்கள்... எனக்கு டைரி எழுதும் பழக்கம் எதுவும் இல்லை...” என ஆவேசப்பட்டார்.
கடந்த ஆண்டு பணமதிப்பு நீக்கத்திற்கு பிறகு கறுப்புப் பண விவகாரம் எழுந்தபோது பரபரப்புச் செய்திகளுக்குள் வந்தவர் சேகர் ரெட்டி. 2016 டிசம்பர் 9 அன்று வருமான வரித்துறை அதிகாரிகள் சேகர் ரெட்டியின் வீடுகள் மற்றும் அலுவலகங்களில் அதிரடி சோதனை நடத்தினர். 
பழைய ரூபாய் நோட்டுக்கள் 96.89 கோடி அளவிற்கு கைப்பற்றினார்கள். 
அதில் யாருக்கும் கிடைக்காத புதிய 2 ஆயிரம் ரூபாய் நோட்டுக்கள் மட்டும் ரூ.9 கோடிக்கும் மேலாக சிக்கின. இதுதவிர, 100 கிலோவுக்கும் அதிகமாக தங்கம் கைப்பற்றப் பட்டது. 
இதையடுத்து விசாரணைகளுக்குப் பிறகு 2017 மார்ச்சில் அமலாக்கத்துறை அதிகாரிகளால் ரெட்டி கைது செய்யப்பட்டார். பண மோசடி வழக்குகள் அவர் மீது பதிவு செய்யப்பட்டன.
 தொடர்ந்து விசாரணை நடந்து வருகிறது.

சேகர் ரெட்டியைத் தொடர்ந்து, தமிழக அரசின் தலைமைச் செயலாளராக இருந்த ராமமோகனராவ்வின் வீடு மற்றும் அலுவலகங்களில் அதிரடி சோதனை நடத்தப்பட்டது. 
தலைமைச் செயலக அலுவலக அறையிலேயே சோதனை நடந்த போது, அடுத்த அறையில் முதலமைச்சராக ஓ.பன்னீர்செல்வம் கமுக்கமாக வீற்றிருந்தார் என்பது நினைவுகூரத்தக்கது.

இத்தகைய பின்னணியில், ஊடகங்களின் கையில் சிக்கியுள்ள சேகர் ரெட்டியின் டைரி, ஓபிஎஸ் பெயரைக் குறிப்பிட்டும் அமைச்சர்கள் சிலரைக் குறிப்பிட்டும் தெளிவான விவரங்களை தந்துள்ளது. ஓபிஎஸ் பெயரில் ஐந்து முறை பணம் கொடுக்கப்பட்டுள்ளது. 

அவரது செயலாளர் ரமேஷ் பெயரிலும் கொடுக்கப்பட்டுள்ளது. ‘பெரியவர்’ என்ற பெயரிலும் கொடுக்கப்பட்டுள்ளது. 
பெரியவர் என்பது ஓபிஎஸ்சை குறிக்கிறது என அர்த்தம் கொள்ள முடியும்.

அதுகுறித்து டைரியில் உள்ள விபரம் வருமாறு:
n ஓபிஎஸ் ரமேஷ் - ரூ.50 லட்சம் - 14.7.2016
n ஓபிஎஸ் ரமேஷ் - ரூ.25 லட்சம் - 20.7.2016
n எம்.பெரியவர் /ரமேஷ் - ரூ.3.5 கோடி - 31.8.2016
n ஓபிஎஸ் ரமேஷ் - ரூ.3.7 லட்சம் - 28.10.2016.
n ஓபிஎஸ் வழக்கறிஞர் - ரூ.3.7 லட்சம் - 28.10.2016
n ஓபிஎஸ் ரமேஷ் கார்டன் செலவுகள் - ரூ.20 லட்சம் - 29.10.2016
n பெரியவர் எம். - ரூ.25லட்சம் - நவம்பர் 2016
இப்படியாக விபரங்கள் குறிப்பிடப்பட்டுள்ளன.

இது தவிர வழக்கறிஞர் காசி என்பவர் பெயரில் ரூ.1 கோடி எனக் குறிப்பிடப்பட்டுள்ளது. ஓ.பன்னீர்செல்வத்தின் மருமகன் பெயர் காசிநாதன் என்பதும் அவர் வழக்கறிஞர் என்பதும் கவனிக்கத்தக்கது.
சேகர் ரெட்டி கைது செய்யப்பட்டபோது, ஊடகங்களில், சேகர்ரெட்டியும் அன்றைய முதலமைச்சர் ஓபிஎஸ்சும் திருப்பதியில் மொட்டைத் தலைகளோடு சிரித்துக் கொண்டே காட்சியளித்த புகைப்படங்கள் வெளியாகி பரபரப்பை ஏற்படுத்தின. அப்போது ஓபிஎஸ்சுக்கும் சேகர் ரெட்டிக்கும் என்ன தொடர்பு என்று கேட்டபோது, “நான் திருப்பதி தேவஸ்தான வாரியத்தில் உறுப்பினராக இருந்தேன். அந்த சமயம் ஓபிஎஸ் திருப்பதி கோவிலுக்கு விஜயம் செய்தார். வாரிய உறுப்பினர் என்ற முறையில் அவரை அழைத்துச் சென்று கோவிலை சுற்றிக்காட்டினேன். அவருடன் புகைப்படம் எடுத்துக் கொண்டேன். அதைத் தவிர அவருக்கும் எனக்கும் எந்தத் தொடர்பும் இல்லை” என்று சேகர் ரெட்டி பதில் அளித்திருந்தார் என்பது நினைவுகூரத்தக்கது.
யார் அந்த அமைச்சர்கள்?
சேகர் ரெட்டியின் டைரியில் ஏராளமான தனிநபர்களின் பெயர்கள் இடம்பெற்றுள்ளன. அத்தனை பேருக்கும் தங்கமும், வெள்ளியுமாக ஏராளமான பரிசுப் பொருட்களை அவர் வழங்கியிருப்பது குறித்து வைக்கப்பட்டிருக்கிறது.
தனிநபர்கள் தவிர, “எம்” என்று ஆங்கிலத்தில் எழுதி வட்டமிடப்பட்டு பல பெயர்கள் இடம்பெற்றுள்ளன. எம் என்பது மினிஸ்டர் எனக் குறிக்கிறது. தமிழக அமைச்சர்கள் என்று பொருள் கொள்ள முடியும். அந்த அடிப்படையில் பல அமைச்சர்கள் அவரிடமிருந்து பணம் வாங்கியிருக்கிறார்கள். 2016 நவம்பரில் 2 இடங்களில் “எச்எம்” என்றும் “ஹெல்த்” என்றும் குறிப்பிடப்பட்டுள்ளது. இது சுகாதார அமைச்சர் சி.விஜயபாஸ்கரை குறிக்கிறது என வருமான வரித்துறை சந்தேகப்படுகிறது. இதன் பின்னணியில்தான் 2017 ஏப்ரலில் அமைச்சர் விஜயபாஸ்கரின் வீடுகள், அலுவலகங்கள், குவாரிகள் என அனைத்திலும் அதிரடி சோதனை நடத்தியது. ஹெல்த் என்ற பெயரில் ரூ.5 கோடியும், எச்.எம். என்ற பெயரில் ரூ.1கோடியும் கொடுத்ததாக சேகர் ரெட்டி குறிப்பிட்டிருக்கிறார்.
டைரியில் எம் என்று குறிப்பிடப்பட்டு இடம்பெற்றுள்ள அமைச்சர்கள் மற்றும் அவர்கள் சார்ந்த நபர்களது பெயர்கள் வருமாறு:
n எம் - தங்கமணி தினேஷ், இபி - ரூ.50லட்சம் - 17.4.2016
n எம் - தங்கமணி - ரூ.50 லட்சம் - 17.6.2016
n எம் - ரெவின்யூ பிஎஸ்ஓ - ரூ.25 ஆயிரம் - 22.6.2016
n எம் - சுற்றுச்சூழல் பிஏ ரூ.2லட்சம் - 30.8.2016
n எம் - ரெவின்யூ எக்ஸ் பிஎஸ்ஓ பெருமாள் - ரூ.10 ஆயிரம் - 28.10.2016
n எம் - ஐ/ரமேஷ் - ரூ. 1கோடி - 31.10.2016 (இது தொழில்துறை அமைச்சர் எம்சி சம்பத்தை குறிக்கக்கூடும் என சந்தேகிக்கப்படுகிறது)
n கிருஷ்ணசாமி எம்எல்ஏ - ரூ.5 லட்சம் - 21.6.2016 (இவர் புதிய தமிழகக் கட்சியின் தலைவர் கிருஷ்ணசாமி என்று சந்தேகிக்கப்படுகிறது)
n எம். திண்டுக்கல் லோக்கல் - ரூ. 5லட்சம் - 27.6.2016 (இவர் வனத்துறை அமைச்சர் திண்டுக்கல் சீனிவாசன் என்று சந்தேகிக்கப்படுகிறது)
இதர குறிப்புகள்
இவை தவிர மன்னார்குடி மகாதேவன் என்ற பெயரில் 28.6.2016ல் ரூ.10லட்சம் குறிக்கப்பட்டுள்ளது. இவர் சசிகலாவின் உறவினர் ஆவார். இந்த ஆண்டு ஏப்ரல் 15 அன்று இவர் இறந்துவிட்டார்.
மற்றொரு பெயராக “பிஓஓ”(POO) என்று ஆங்கிலத்தில் குறிப்பிட்டு ரூ.1.5 கோடி என குறிப்பிடப்பட்டுள்ளது. இது, முன்னாள் முதல்வர் ஜெயலலிதாவின் தனிச் செயலாளராக இருந்த பூங்குன்றனின் பெயராக இருக்கலாம் என சந்தேகிக்கப்படுகிறது. இதுதவிர கார்டன் என்று குறிப்பிடப்பட்டுள்ள இடம் போயஸ் கார்டனாக இருக்கும் எனத் தெரிகிறது. இவை தவிர இன்னும் ஏராளமான விபரங்கள் சேகர் ரெட்டியின் ரகசிய டைரியில் இடம்பெற்றுள்ளன.
தமிழக அரசியல், பல்வேறு புயல்களில் சிக்கியுள்ள நிலையில், அதிமுகவின் ஒருங்கிணைப்பாளராக அக்கட்சியை கைப்பற்றியிருக்கும் ஓபிஎஸ் மற்றும் அவரது
சக அமைச்சர்களுக்கும் சேகர் ரெட்டிக்கும் இடையிலான தொடர்புகளை அம்பலப்
படுத்தியிருக்கும் இந்த ரகசிய டைரி தமிழக அரசியலை கலக்கவுள்ள அடுத்த புயலாக கிளம்பியிருக்கிறது.
=======================================================================================
ன்று,
டிசம்பர்-12.
  •  பாரதியார்  பிறந்த தினம்(1882)

  • முன்னாள் குடியரசுத்தலைவர்  பிரணாப் முகர்ஜி பிறந்த தினம்(1935)

  • யூனிசெப் நிறுவனம் அமைக்கப்பட்டது(1946)

  • கர்நாடக இசைக் கலைஞர் எம்.எஸ்.சுப்புலட்சுமி இறந்த தினம்(2004)
=======================================================================================


மூன்று காரணங்கள்தான்...,

குஜராத் சட்டமன்றத் தேர்தல் களம் நாடு முழுதும் உன்னிப்பாக கவனிக்கப்படுகிறது. 
உ.பி. சட்டமன்ற தேர்தல் முடிவுகளுக்கு பின்னர் அமித்ஷா குஜராத்தில் தமது இலக்கு 182ல் 150 தொகுதிகள் என கர்ஜித்த பொழுது, இது சாத்தியமல்ல என எவரும் எதிர்க் குரல் எழுப்பவில்லை. ஏனெனில் இடதுசாரிகள் பலவீனமாக உள்ள குஜராத்தில் காங்கிரசும் வலுவிழந்து இருந்தது.
குஜராத்தில் 150 தொகுதிகள் வெல்வது பா.ஜ.க.வுக்கு சாத்தியமே எனும் கருத்துதான் பொதுவாக நிலவியது. 
ஆனால் நான்கு மாதங்களில் நிலைமை தலைகீழாக மாறியுள்ளதாக பல கள நிலவரங்கள் தெரிவிக்கின்றன. 

தாம் பெரும்பான்மை பெறுவோமா எனும் கவலை பா.ஜ.க.தலைவர்களுக்கே தோன்றியுள்ளது.
குஜராத்தில் பா.ஜ.க. கடந்த 19 ஆண்டுகளாக தொடர்ந்து ஆட்சியில் உள்ளது. இதில் 2001ஆம் ஆண்டு முதல் 2014ஆம் ஆண்டு வரை நரேந்திர மோடி முதல்வராக இருந்தார். 
2001ஆம் ஆண்டு பா.ஜ.க. மத்திய தலைமையால் மோடி முதல்வராக நியமிக்கப்பட்ட பொழுது அவர் சட்டமன்ற உறுப்பினராக கூட இல்லை. 
தான் வெற்றி பெற பாதுகாப்பான தொகுதித் தேடலின் பின்விளைவாகவே குஜராத்தின் உள்துறை அமைச்சராக இருந்த ஹரேன் பாண்டியா கொல்லப்பட்டதாக பாண்டியாவின் தந்தையும் மனைவியும் பகிரங்கமாக குற்றம் சாட்டினர்.
மோடி குஜராத் முதல்வராக பதவியேற்ற சில நாட்களிலேயே கோத்ரா நிகழ்வும் அதனைத் தொடர்ந்து உலகத்தையே அதிர்ச்சியில் ஆழ்த்திய குஜராத் கலவரங்களும் அரங்கேறின. 
இந்தியா முழுதும் பா.ஜ.க.வுக்கு அவப்பெயர் உருவானாலும் குஜராத்திற்குள் பா.ஜ.க. இந்துத்துவா அணி திரட்டலுக்கு உதவியது என்பது கசப்பான உண்மை.
இதற்கு முக்கிய காரணம் குஜராத்தில் நிலவிய வினோத சமூக நிலைமை!. இடதுசாரி அமைப்புகளோ அல்லது சமூக சீர்திருத்த இயக்கங்களோ குஜராத்தில் வலுவாக காலூன்றவில்லை. 
இத்தகைய சூழல் ஆர்.எஸ்.எஸ். ஊடுருவுவதற்கு சாதகமான நிலையை உருவாக்கியது. 1980களில் தலித் மக்களின் இட ஒதுக்கீட்டுக்கு எதிராகவும் 1990ல் பிற்படுத்தப்பட்ட மக்களுக்கு எதிராகவும் வலுவாக மேல்சாதி மக்களை திரட்டியதில் ஆர்.எஸ்.எஸ். தீவிரம் காட்டியது.
இதன் விளைவாக பட்டேல் சமூகம் உட்பட முற்படுத்தப்பட்ட பிரிவினர் பா.ஜ.க.வின் வலுவான வாக்கு வங்கியாக மாறினர். பின்னர் இந்துத்துவா அமைப்புகள் திட்டமிட்டு மலைவாழ் மக்களையும் பின்னர் கணிசமான பிற்படுத்தப்பட்ட மக்களையும் தங்கள் பக்கம் திரட்டுவதில் வெற்றி பெற்றனர். 
இதன் விளைவாக இந்து சமூகத்தின் பெரும்பாலான பிரிவினரை இசுலாமியர்களுக்கு எதிராக அணி திரட்டுவதில் இந்துத்துவ சக்திகள் வென்றன. இந்த சாதகமான களம்தான் குஜராத் இனப்படுகொலை காட்டுத்தீ போல் பரவிட வழி வகுத்தது. 
இதனை மோடி பயன்படுத்திக் கொண்டார். 2002 சட்டமன்றத் தேர்தல்களில் மோடியின் வெற்றி பா.ஜ.க.விற்குள் அவரை வலுவான தலைவராக நிலைநாட்டியது.

இந்துத்துவ மதவெறியுடன் நவீன தாராளமய பொருளாதாரக் கொள்கைகளை மோடி அமலாக்கினார். அதுதான் ஏழைகளுக்கு துன்பங்களையும் கார்ப்பரேட் நிறுவனங்களுக்கு அதீத கொள்ளை லாபத்தையும் அளித்த “குஜராத் மாடல்” ஆகும். 
இந்திய அரசியலில் புதியதாக மத வெறியும் நவீன தாராளமய கொள்கைகளும் கை கோர்த்தன. இந்த நச்சுக் கூட்டணியின் பிரதிநிதியாக மோடி முன்னிலைப்படுத்தப்பட்டார். மதச்சார்பின்மையை இந்தியப் பெரு முதலாளிகள் கை கழுவிய காலமும் இதுதான்! 
இதன் இன்னொரு பின்விளைவாக குஜராத் உட்பட சில பகுதிகளில் சிறுபான்மை தீவிரவாதம் தலைதூக்கியது.
இத்தகைய சூழல்தான் 2007 மற்றும் 2012 குஜராத் சட்டமன்ற தேர்தல்களிலும் மோடி வென்றிட பயன்பட்டது.
குஜராத்தின் இந்த கேடு கெட்ட மாடலை ‘மோடியின் வளர்ச்சிப் பாதை’ என முன்வைத்து இந்தியா முழுதும் பொய்யான மாயை உருவாக்கப்பட்டது. 
2014ஆம் ஆண்டு ஆர்.எஸ்.எஸ். அமைப்பின் ஆசியோடு மோடி பிரதமர் வேட்பாளர் ஆனார். காங்கிரசின் தொடர் ஊழல்கள் மற்றும் நவீன தாராளமயக் கொள்கைகள் காரணமாக மக்களின் துன்பங்கள் அதிகரித்ததால் மோடி 31% வாக்குகள் மட்டுமே பெற்று பிரதமர் பதவியில் அமர முடிந்தது. 
நவீன தாராளமய மயக்கத்தை மக்களிடையே உருவாக்கினால் அவர்கள் மதவெறி குறித்தோ அல்லது சிறுபான்மை மக்கள் வேட்டையாடப்படுவது குறித்தோ கவலைப்படமாட்டார்கள் எனும் ஆபத்தான புதிய சூழல் உருவானது.
மோடி பிரதமராக பதவியேற்ற பிறகு தில்லி, பீகார், கேரளா மற்றும் பஞ்சாப் தேர்தல்களில் தோல்வி கண்டாலும் மற்ற தேர்தல்களில் பா.ஜ.க. வென்றது. 
எங்கு சட்டப்படி வெல்ல முடியவில்லையோ அங்கு – அதாவது, கோவா, மணிப்பூர் போன்ற மாநிலங்களில் சட்டம் வளைக்கப்பட்டது. 
பா.ஜ.க.வின் உ.பி. சட்டமன்ற வெற்றி மிகப்பெரிய தாக்கத்தை உருவாக்கியது. காஷ்மீர் தலைவர் உமர் அப்துல்லா “2019 தேர்தலை வெல்ல முடியாது. எனவே எதிர்கட்சிகள் 2024 தேர்தல்களில் கவனம் செலுத்த வேண்டும்” எனக் கூறினார். 
மோடி தோற்கடிக்க முடியாத சக்தியாக கட்டமைக்கப்பட்டார். இந்தப் பின்னணியில்தான் குஜராத் தேர்தலில் தனது இலக்கு 150 தொகுதிகள் என அமித்ஷா கூறிய பொழுது எவரும் அதை மறுக்கத் துணியவில்லை.
ஆனால் இன்று குஜராத் களம் மாறுபட்ட செய்திகளைக் கூறுகிறது.
குஜராத் மக்களின் சமூகப் பிரிவுகள்
1.இந்துக்கள்- 88.6%
2.இசுலாமியர்கள்- 9.86%
3.சமணர்கள்- 1%
4.கிறித்துவர்கள்- 0.5%
5.சமயத்தவர் என அரசால் வகைப்படுத்தப்பட்டவர்களில்
6.முற்படுத்தப்பட்ட பிரிவினர்- 22% (பட்டேல்கள்-15% உட்பட)
7.பிற்படுத்தப்பட்ட பிரிவினர்- 44%
8.பழங்குடியின மக்கள்- 15%
9.தலித் மக்கள்- 7.6%
அனைத்து பிரிவுகளிலும் கணிசமான பகுதியினர் ஏதாவது ஒரு வகையில் பா.ஜ.க. மீது அதிருப்தியில் உள்ளனர். இதற்கு சமூகக் காரணங்களும் உண்டு. 
பொருளாதாரக் காரணங்களும் உண்டு. இதுவரை பா.ஜ.க.வின் அசைக்க முடியாத வாக்கு வங்கியாக இருந்த பட்டேல் இனத்தவரிடையே கடும் அதிருப்தி தோன்றியுள்ளது. 
இதன் வெளிப்பாடுதான் ஹர்திக் பட்டேல் தலைமையில் வெடித்த போராட்டங்கள்.
பட்டேல் இனத்தவர் பெரும்பாலும் சிறு வணிகர்கள். மோடியின் கார்ப்பரேட் ஆதரவுக் கொள்கைகள் இவர்களை கடுமையாக பாதித்தது. எனவே இவர்கள் கல்வியில் கவனத்தைச் செலுத்தினர். ஆனால் உயர் கல்வியில் இவர்களுக்கு போதிய இடம் கிடைக்கவில்லை. 
எனவே இட ஒதுக்கீடு கேட்டு போராட்டத்தில் இறங்கினர். இவர்களது குரல் இட ஒதுக்கீடு கோட்பாடுக்கு எதிரானதாகவும் இருந்தது. எனினும் பா.ஜ.க. இவர்களின் போராட்டத்தை நசுக்க முற்பட்டதால் இவர்களில் ஒரு பகுதியினர் பா.ஜ.க.வுக்கு எதிராகத் திரும்பியிருக்கிறார்கள். 
ஹர்திக் பட்டேலை எதிர்க்க முடியாத பா.ஜ.க.வினர் அவர் தனது பெண் நண்பருடன் இருந்த ஒரு காணொளியை வெளியிடும் அளவுக்கு கீழ்த்தரமாக செயல்பட்டனர்.
 இது பா.ஜ.க.வின் தோல்வி பயத்தை வெளிப்படுத்தியது.
பா.ஜ.க.வுக்கு எதிராக கடுமையாக வெகுண்டெழுந்த இன்னொரு பிரிவினர் தலித் மக்கள் ஆவர். உனா எனும் இடத்தில் சிங்கத்தால் கொல்லப்பட்ட ஒரு பசுவின் தோலை உரித்ததற்காக மூன்று தலித் இளைஞர்கள் கொடூரமாக தாக்கப்பட்டனர். இது கடும் எதிர்ப்பை உருவாக்கியது. 
ஜிக்னேஷ் மேவானி எனும் இளம் வழக்கறிஞர் தலித் மக்களின் தலைவராக உருவெடுத்தார். இவர் தலைமையில் தலித் மக்களின் போராட்டம் குஜராத்தில் பெரும் தாக்கத்தை ஏற்படுத்தியது.
 இதன் விளைவாக தலித் மக்களில் பெரும்பாலானோர் பா.ஜ.க.வுக்கு எதிரான மனோ நிலையில் உள்ளனர்.
மேவானியை காங்கிரசில் இணையவைக்க முயற்சிகள் நடந்தன. ஆனால் மேவானி மறுத்துவிட்டார். வட்கம் எனும் தொகுதியில் சுயேச்சையாக போட்டியிடுகிறார். 
காங்கிரஸ் அவருக்கு ஆதரவு தெரிவித்துள்ளது. எனினும் காங்கிரஸ் அதிருப்தியாளர்களை பா.ஜ.க. வளைப்பதாலும் மேவானி உள்ளூர்வாசி அல்ல என்பதாலும் மேவானிக்கு எதிராக உள்ளூர் தலித் மூன்று பேர் போட்டியிடுவதாலும் இவரின் வெற்றி நிச்சயமற்றதாக உள்ளது என சில பத்திரிகையாளர்கள் கருதுகின்றனர்.
இதே கால கட்டத்தில் பிற்படுத்தப்பட்ட மக்களைத் திரட்டுவதில் கணிசமான தாக்கத்தை ஏற்படுத்தியவர் அப்லேஷ் தாக்கோர் எனும் இன்னொரு இளம் சமூக ஆர்வலர்.
 முதலில் இவர் “குஜராத் சத்திரிய தாக்கோர் சேனா” எனும் அமைப்பை உருவாக்கி தமது இனத்தவர் மதுவுக்கு அடிமையாவதை எதிர்த்து களம் கண்டார். பட்டேல்கள் இட ஒதுக்கீடுக்கு எதிராக குரல் உயர்த்திய பொழுது பிற்படுத்தப்பட்டோர்- தலித்- பழங்குடியின மக்கள் முன்னணி எனும் அமைப்பை உருவாக்கினார். 
இவர் காங்கிரஸ் வேட்பாளராக போட்டியிடுகிறார்.
குஜராத்தில் பழங்குடியின மக்கள் 15% உள்ளனர். இவர்களிடையே வலுவான வனவாசி கல்யாண் எனும் அமைப்புகளை ஆர்.எஸ். எஸ். உருவாக்கியுள்ளது. 
இதன் தாக்கத்தை எவரும் குறைத்து மதிப்பிட முடியாது. இசுலாமியர்களுக்கு எதிராக இவர்களையும் திரட்டுவதில் இந்துத்துவா சக்திகள் வெற்றி பெற்றன. எனினும் இவர்களிடையேயும் பா.ஜ.க.வுக்கு எதிரான கருத்து நிலவுகிறது என்பதே இன்றைய நிலைமை.
சுமார் 10% மக்கள் தொகை உள்ள இசுலாமியர்களின் நிலைமை குஜராத்தில் மிகவும் வேதனையானது. கலவரங்களில் தமது உடமைகளை இழந்து மிகவும் பின்தங்கிய சேரிப்பகுதிகளில்தான் இசுலாமியர்கள் வாழ்கின்றனர். எவ்வளவு செல்வம் இருந்தாலும் எந்த ஒரு இசுலாமியரும் நகரத்தின் எந்த ஒரு பகுதியிலும் ஒரு சிறு வீடு கூட வாங்க முடியாது. 
இசுலாமியர்களுக்கு காங்கிரசின் மீதும் கடும் கோபம் உள்ளது. எனினும் இவர்களுக்கு காங்கிரசை ஆதரிப்பது தவிர வேறு வழியில்லை. இந்தத் தேர்தலில் தான் பா.ஜ.க. தமக்கு எதிராக மதவெறியை தூண்ட முடியவில்லை என்பது இவர்களின் மகிழ்ச்சி. 
ஆம்! கடந்த 20 ஆண்டுகளில் முதன்முறையாக இசுலாமியர்களுக்கு எதிரான வெறி கிளப்பும் பா.ஜ.க.வின் எந்த உரையும் எடுபடவில்லை.
“மதத்தின் பெயரால் எங்களுக்கு எதிராக அனைத்தும் செய்தாகி விட்டது. இனி என்ன மீதம் உள்ளது?” என்கின்றனர் இவர்கள்!
இத்தகைய சமூகச் சூழலின் பின்னணியில் குஜராத்தில் ஏற்பட்ட சில பொருளாதார விளைவுகள் பா.ஜ.க.மீது அதிருப்தியை அதிகப்படுத்தியுள்ளது. ஒன்று விவசாய நெருக்கடி! தேசம் முழுதும் பாதிக்கப்பட்டுள்ளது போல குஜராத்திலும் கடன் சுமை, விளை பொருட்களுக்கு நியாய விலை கிடைக்காதது ஆகியவற்றால் விவசாயிகள் கோபம் அடைந்துள்ளனர். 
35% விவசாயிகள் விவசாயத்தை கைவிட்டு விட்டனர். நிலமற்ற விவசாயத் தொழிலாளர்களின் எண்ணிக்கை 50% அதிகரித்துள்ளது. 2013-2015 ஆண்டுகளில் மட்டும் 1483 விவசாயிகள் தற்கொலை செய்துள்ளனர். 
“ஜமீன் பச்சாவ் அந்தோலன்” (நிலப் பாதுகாப்பு இயக்கம்) எனும் அமைப்பின் மூலம் ஏராளமான போராட்டங்கள் நடந்துள்ளன.
ஜி.எஸ்.டி. வரியின் தாக்கத்தால் குஜராத் சிறு வணிகர்கள் அதீத அதிருப்தியில் உள்ளனர் எனில் மிகை அல்ல! சூரத் நகரில் மட்டும் 5 இலட்சம் வணிகர்களின் பேரணி நடந்தது. 
ஊடகங்கள் இருட்டடிப்பு செய்த போராட்டம் இது! 
குஜராத் தேர்தலை மனதில் கொண்டே துணிகள் மீதான வரிகள் குறைக்கப்பட்டன. ஒரு பகுதி வணிகர்களின் கோபம் குறைந்திருந்தாலும் கணிசமான பகுதியினரிடம் இன்னும் அதிருப்தி உள்ளது. வேலையின்மை மற்றும் விலைவாசி உயர்வு ஆகியவையும் முக்கிய பிரச்சனைகளாக உள்ளன. 
பாஜக முன்னாள் முதல்வர் ஆனந்தி பென் பட்டேலின் மகள் மற்றும் அமித்ஷா மகனின் ஊழலும் பெரும் தாக்கத்தை உருவாக்கி உள்ளது. 
அமித்ஷா மற்றும் ஆனந்தி பென் பட்டேல் இடையே உள்ள மோதல்கள்தான் இந்த ஊழல்களை வெளிச்சத்திற்கு கொண்டுவந்தன என்பதும் உண்மை.
கோஷ்டிமோதல்கள் காரணமாக ஆர்.எஸ்.எஸ். ஊழியர்கள் முழுமையாக களத்தில் இறங்கவில்லை எனவும் சில செய்தியாளர்கள் தெரிவிக்கின்றனர். பா.ஜ.க.விற்கு எதிராக அவர்களது கட்சியினரே 50க்கும் அதிகமான தொகுதிகளில் சுயேச்சைகளாக போட்டியிடுகின்றனர். 
இத்தகைய சூழல் மோடிக்கும் அமித்ஷாவிற்கும் பெரும் பின்னடைவை உருவாக்கியுள்ளது. எனினும் பா.ஜ.க. நிச்சயமாக தோற்கும் எனும் முடிவுக்கு வருவது பொருத்தமானது அல்ல! 
மோடியின் செல்வாக்கு குஜராத்தில் மிக கணிசமாக உள்ளது. 
இந்துத்துவ ஸ்தாபன ஊடுருவல் மிகவும் ஆழமானது. குஜராத்தில் தோல்வி ஏற்பட்டால் பா.ஜ.க.விற்குள் தாம் தனிமைப்படுவோம் என்பது மோடி- அமித்ஷா கூட்டணிக்கு நன்றாகத் தெரியும்.
ஆர்.எஸ்.எஸ். களத்தில் தீவிரமாக இறங்கினால் நிலைமை மாறும். தமது செல்லப்பிள்ளையான மோடிக்கு சரிவு ஏற்படுவதை கார்ப்பரேட்டுகள் அனுமதிக்கமாட்டார்கள். 
சில கருத்து கணிப்புகள் பா.ஜ.க. தோற்கும் என்கின்றன. சில கணிப்புகள் பா.ஜ.க. வெல்லும் என்கின்றன. அதிருப்தியை முழுவதுமாக அறுவடை செய்ய போதுமான ஸ்தாபன பலம் காங்கிரசிடம் இல்லை எனும் கருத்தை பல செய்தியாளர்கள் தெரிவிக்கின்றனர்.
ராகுல் காந்தி பா.ஜ.கவையும் மோடியையும் கடுமையாக விமர்சித்தாலும் எந்த ஒரு இடத்திலும் நவீன தாராளமய கொள்கைகளை விமர்சிக்கவில்லை என்பது கவனிக்கத்தக்கது.
குஜராத் மாடலுக்கு அடிப்படை நவீன தாராளமய கொள்கைகள்தான் என்பதை தோலுரித்துக் காட்ட காங்கிரஸ் தயாராக இல்லை. 
பொருளாதார கொள்கைகளில் காங்கிரஸ் எந்த விதத்திலும் பா.ஜ.க.விடமிருந்து மாறுபடவில்லை என்பதை இது மீண்டும் பறைசாற்றுகிறது.
ஒரு உண்மை எவராலும் மறுக்க முடியாது. குஜராத்தில் பல ஆண்டுகளுக்கு பிறகு பா.ஜ.க. முதல் தடவையாக நெருக்கடியை சந்திக்கிறது. அதிருப்தி வலுவாக உள்ளது. 
இதற்கு பின்னரும் பா.ஜ.க. வென்றால் அதற்கு மூன்று காரணங்கள்தான் இருக்க இயலும். 
ஒன்று இந்துத்துவா சக்திகளின் ஸ்தாபன பலம். 
இரண்டாவது கார்ப்பரேட்டுகளின் தலையீடு! 
மூன்றாவது காங்கிரசின் திறமையின்மை!
=======================================================================================
ன்று,
டிசம்பர்-10.
உ.ராஜாஜி


  • உலக  மனித உரிமைகள் தினம்
  • தாய்லாந்து அரசியலமைப்பு தினம்
  • இந்தியாவின் முதல் கவர்னர் ராஜாஜி பிறந்த தினம்(1878)
  • நோபல் பரிசு வழங்கப்படும் தினம், ஆல்பிரட் நோபல் இறந்த தினம்(1896)
=======================================================================================
சரக்கு மற்றும் சேவை வரி (ஜிஎஸ்டி) காரணமாக, உயிர்காக்கும் அரிய வகை மருந்துகளின் விலை கணிசமாக உயர்ந்துள்ளதாகத் தகவல்கள் வெளியாகியுள்ளன.


அரிய வகை மரபியல் நோய்கள் உள்ளிட்டவற்றால் பாதிக்கப்பட்டுள்ளவர்கள் அந்த நோய்களுக்கான உயிர்காக்கும் மருந்துகளை வெளிநாடுகளிலிருந்து இறக்குமதி செய்ய வேண்டிய சூழல் உள்ளது.
 குறிப்பாக சிப்ரின், வெங்கலெக்ஸ்டா, அட்செட்ரிஸ் போன்ற அந்த மருந்துகளை வெளிநாடுகளிலிருந்து இறக்குமதி செய்து பயன்படுத்த பல லட்ச ரூபாயை நோயாளிகள் செலவிட வேண்டியுள்ளது.
இந்நிலையில் அண்மையில் அறிமுகப்படுத்தப்பட்ட சரக்கு மற்றும் சேவை (ஜிஎஸ்டி) வரியால் இந்த மருந்துகளுக்கு கூடுதலாக 12 சதவிகிதம் வரி செலுத்த வேண்டியுள்ளதாகவும், இதனால் அந்த அரிய வகை மருந்துகளின் விலை கணிசமாக உயர்ந்துள்ளதாகவும் கூறப்படுகிறது.



சனி, 9 டிசம்பர், 2017

ரெட்டிஸ் பேப்பர்ஸ்

2017ஆண்டில்  டுவிட்டரில் அதிகமாக  ரீடுவிட் செய்யப்பட்ட பதிவு எது தெரியுமா? 
டுவிட்டரில் 'நஹ்ஹட்ஸ்' சாப்பாடு வகையை ஓசியில்  கேட்ட  கார்ட்டர் வில்க்கர்சன் என்பவரின்  டுவிட்டர் பதிவுதான்  வைரலாக பரவியுள்ளது. 

அந்த டுவிட் தான் இந்த ஆண்டிலேயே அதிக அளவில் ரீடுவிட் ஆகியுள்ளது.
அவரின் அந்த டுவிட்டர் பதிவுக்கு பின் வித்தியாசமான கதை உள்ளது.



அமெரிக்காவில் மிகவும் பேமஸான உணவு பொருட்களில் ஒன்று 'சிக்கன் நஹ்ஹட்ஸ்'. இந்த உணவுக்கு அமெரிக்கர்கள் சொத்தையே எழுதி வைத்து விடுவார்கள் . 

 'வெண்டிஸ்'  என்ற உணவு விடுதியிடம்  கார்ட்டர் வில்க்கர்சன் தனது வித்தியாசமான கோரிக்கை வைத்து இருந்தார்.

அது "ஒரு வருடம் முழுக்க இலவசமாக எனக்கு சிக்கன் நஹ்ஹட்ஸ் வேண்டும், அதற்கு நான் என்ன செய்ய வேண்டும் என்று கேட்டு இருந்தார்.

முதலில் அவரின் கேள்வியை வென்டிஸ் கண்டு கொள்ளவில்லை.ஆனால் கார்ட்டர் விடாமல் அதையே டுவிட்டியதால் எரிச்சலான வென்டிஸ்
 " உங்களுடைய இந்த டுவிட் 18 மில்லியன் ரீ டிவிட் ஆகிவிட்டால் ஒரு வருடம் முழுக்க உங்களுக்கு இலவசமாக சிக்கன் நஹ்ஹட்ஸ் வழங்கத் தயார்."என்று பதில் டுவிட் அனுப்பியது .
"ஆனால் ஒரு வருடத்திற்குள் இந்த சாதனையை எட்ட வேண்டும்" என்று நிபந்தனையையும் விதித்தது.
     தனது ஓசி நஹ்ஹட் முயற்சியில் தளராத கார்ட்டர் இதையே சவாலாக எடுத்து பலரிடம் டுவிட்டி உதவ கேட்டார்.

பலன்? 
இதுவரை அவர் ஓசி கேட்ட டுவிட் 3.6 மில்லியன் முறைகள் ரீடுவிட் ஆகியுள்ளது.

ஆனால் இந்த ஆண்டு முடிய சிலநாட்கள் மட்டுமே உள்ள நிலையில் அவரால் கண்டிப்பாக 18 மில்லியன் ரீ டிவிட் தொட முடியாது என்று கூறப்படுகிறது. 

 14 மில்லியன் கனவுதான்.
5 மில்லியனை  தொடுவதே சிரமம்.
அதனால் அவர் இந்த சவாலில் தோற்றுவிட்டதாக கூறப்படுகிறது. 
ஆனாலும் கார்ட்டர் ஒருவகையில் ஒபாமா சாதனையை முறியடித்து சாதனை படைத்து விட்டார்.

இந்த வருடத்தில் அதிகம் ரீடுவிட் செய்யப்பட்ட டுவிட்டர் பதிவில் அவருடைய டுவிட் தான் முதலில் உள்ளது.  
ஒபாமா டுவிட் இரண்டாவது இடத்தில் உள்ளது.
அமெரிக்க முன்னாள் அதிபர் ஒபாமாவின் நிற பாகுபாடு குறித்த டுவிட்தான்  1.7 மில்லியன் முறை ரீடுவிட் செய்யப்பட்டு இதுவரை முதலிடத்தில் இருந்தது.

 ஒபாமாவை இரண்டாவது இடத்துக்கு தள்ளி 
3.6 மில்லியன் ரீ டுவிட்டில் கார்ட்டர் முதலிடம் பெற்று விட்டார்.
இதற்காகவாது வென்டிஸ் ஒருவாரமாவது ஓசி கோழி நஹ்ஹட்ஸ் கொடுக்கலாம்.

தமிழ் நாட்டில் மட்டுமல்ல அமெரிக்காவிலும் ஓசி என்றால் அலைவார்கள் என்பது கார்ட்டர் மூலம் தெளிவு.

"No one is born hating another person because of the color of his skin or his background or his religion..."
===================================================================================================

ன்று,
டிசம்பர்-09.
ஊழல் எதிர்ப்பு தினம்
  • உலக  ஊழல் எதிர்ப்பு தினம்

  • இந்திய காங்கிரஸ் கட்சி தலைவர் சோனியா பிறந்த தினம்(1946)
  • இந்திய சட்டசபை ராஜேந்திர பிரசாத் தலைமையில் அமைக்கப்பட்டது(1946)
  • தான்சானியா விடுதலை தினம்(1961)
  • ஐக்கிய அரபு நாடுகள் அமைப்பு ஐ.நா.,வில் இணைந்தது(1971)
==================================================================================================
தேறுதல் அறிக்கை.,

குஜராத் சட்டமன்றத் தேர்தலில் இன்று முதல்கட்ட வாக்குப் பதிவு. நேற்றுதான் பாரதிய ஜனதா கட்சி தேர்தல் அறிக்கை வெளியிட்டுள்ளது. 
தேர்தல் அறிக்கை வெளியிடாத பாரதிய ஜனதா கட்சியை கிண்டல் செய்து செய்தி வெளியிட்டிருந்தார் குஜராத்தில் அந்த கட்சிக்கு சிம்மசொப்பனமாக திகழும் ஹர்திக் படேல். அதன் பிறகே இந்த அறிக்கையும் வெளியானது.


ஹர்திக் தமது டிவிட்டர் செய்தியில், "வீடியோ தயாரிக்கும் மும்முரத்தில் பாரதிய ஜனதா கட்சி தேர்தல் அறிக்கையை தயாரிக்க மறந்துவிட்டது போலும்! 
நாளை முதல்கட்ட வாக்குப்பதிவு… குஜராத்தில், வளர்ச்சியுடன் சேர்ந்து தேர்தல் அறிக்கையும் காணமல் போய்விட்டது. ஐயா, யாரும் ஒன்றும் சொல்லமாட்டார்கள், மீண்டும் ஒருமுறை உங்கள் வழக்கமான பாணியில் தேர்தல் அறிக்கையை தூக்கி எறியுங்கள்".
ஹர்திக் படேல் இந்த டிவிட்டர் செய்தியை வெளியிட்ட சில மணி நேரங்களுக்கு பிறகுதான் நிதியமைச்சர் அருண் ஜெட்லியும், குஜராத் மாநிலத் தலைவர் ஜீதூ வகானியும் கட்சியின் தேர்தல் அறிக்கையை வெளியிட்டார்கள்.
ஒரு ஆவணத்தை வெளியிடுவது எங்களது நோக்கமல்ல, குஜராத்தில் நாங்கள் ஏற்படுத்தியிருக்கும் வளர்ச்சி விகிதத்தை தொடர்ந்து பராமரிக்க விரும்புகிறோம்" என்று கூறுகிறார் கட்சியின் மூத்த்த் தலைவர்களில் ஒருவரான அருண் ஜேட்லி.
உலகமே மந்தநிலையில் இருக்கும்போது, இந்த வளர்ச்சி விகிதத்தை நாங்கள் உருவாக்கியிருக்கிறோம், அதை மேலும் நேர்மறையாக பராமரிப்போம்" என்றார் அவர்.
குசேலன்னு ஒரு படம். 
40 கோடி லாஸ். பிரமிட் நடராஜன் திரைப்படத் தயாரிப்பை விட்டு வெளிய போனதுக்கு காரணம் அது தான்.  
இனிமே சினிமாவே வேணாம்னு ஒதுங்கி 10 வருஷத்துக்கு அப்பறம் பழைய சமையல் தொழிலுக்கே போயிருக்காரு. 
மெதுவா கடன்களை அடைத்து வருகிறார் . 
இப்ப அவர் தொடங்கியிருக்கும் சைவ உணவகம் "மாவடு".
பாவம் ரஜினியின் "குசேலன் " தயாரிப்பாளரை குசேலன் ஆக்கிவிட்டது.
------------------------------------------------------------------------------------------------------------------------------------------------------------
சேகர் ரெட்டியின் ரெட்டிஸ் பேப்பர்ஸ்.

இவை கணக்கில் உள்ளது மட்டுமே.


தங்களது ஊழல்களை மணல் கொள்ளையை கண்டு கொள்ளாமல் செய்தியாக்காமல் இருக்க
ஊடக மாமாக்களுக்கு போடப்பட்ட எலும்புத் துண்டு.!
எலும்புத் துண்டை பொறுக்கிய இவர்கள் வாய் மட்டும் குமரியில் இருந்து டெல்லிவரை கிழிகிறது.


வெள்ளி, 8 டிசம்பர், 2017

நம்பிக்கைக்கு அப்பால் ...?

ஆர்.கே.நகர் இடைத்தேர்தலில் தேர்தல்ஆணையத்தின் நடவடிக்கைகள் அனைத்தும் ஒரு வெளிப்படைத் தன்மையோடு, சட்ட விதிமுறைகளுக்கு உட்பட்டு அனைத்துக்கட்சிகளுக்கும் நம்பகத்தன்மையோடு  இருக்கிறதா என்ற கேள்வி எழுந்திருக்கிறது. இல்லை என்றுதான் எல்லாத்தரப்பில் இருந்தும் பதில் வருகிறது.

இது தேர்தல் ஆணையத்தின் மீதான நம்பிக்கையை சீர்குலைப்பதாகவே இருக்கிறது.

முன்னாள் முதல்வர் ஜெயலலிதாவின் மறைவைத் தொடர்ந்து காலியாக உள்ள ஆர்.கே.நகர்தொகுதிக்கு கடந்த ஏப்ரல் 12 அன்று இடைத்தேர்தல் அறிவிக்கப்பட்டது. 

ஆனால் அங்குநடைபெற்ற பணவிநியோகத்தை கட்டுப்படுத்த முடியாமல் தேர்தல் ஆணையம் தேர்தலை ரத்துசெய்தது. 

அதற்கு முக்கிய காரணமாக சுகாதாரத்துறை அமைச்சர் விஜயபாஸ்கர் வீட்டில்வருமானவரித்துறை கைப்பற்றிய ஆவணங்களையே தேர்தல் ஆணையம் மேற்கோள் காட்டியது. 

அந்த ஆவணங்களில் முதல்வர் துவங்கி முக்கிய அமைச்சர்கள் பண விநியோக பணியில்ஈடுபட்டதற்கான குறிப்புகள் இருப்பதாக தகவல்கள் வெளியாகின. 

ஆனால் அந்த வழக்குஎன்ன ஆனது என்று இதுவரைதெரியவில்லை.இதுவரை எந்த நடவடிக்கையும் இல்லை.தேர்தல் ஆணையமும் கண்டு கொள்ளவில்லை.அதோடு இடைத்தேர்தலை அறிவித்தும் விட்டது.

முன்பு தேர்தலை ஆணையம் நிறுத்தியதற்கான காரணம் அப்படியே உள்ளது.அதற்கு எடுக்கப்பட்ட நடவடிக்கை ஒன்றுமே இல்லை.

இதுபோன்ற இந்திய தேர்தல் ஆணைய செயல்பாடுகள் வாக்குக்கு பணம் கொடுப்பதை எந்தவகையில் நிறுத்தும்?

பணம் கொடுப்பவர்களை ஒன்றுமே நடவடிக்கை எடுக்காமல் ,அடுத்த தேர்தலிலும் நிற்க அனுமதிப்பது எந்த வகை சட்ட நியாயம்.

கேட்டால் தேர்தல் அலுவலரை யாரும் கேள்வி கேட்ட கூடாது,அவர் சொன்னதே வேதவாக்கு என்கிறது தேர்தல் ஆணையம்.

அதன் பின்னர் இரட்டை இலை விவகாரத்திலும் தேர்தல் ஆணையம் முன்னுக்குப் பின் முரணான நிலைபாட்டையே எடுத்தது. 

குறிப்பாகமோடி அரசின் அரசியல் ஆதரவு நிலைபாட்டோடு தேர்தல் ஆணையத்தின் நிலையும் ஒத்திசைவாக உள்ளது குறிப்பிடத்தக்கது. 

தேர்தல் ஆணையத்தின் மீது அவ்வப்போது சில சர்ச்சைகள் வந்தாலும், இதுவரை தேர்தல் ஆணையம் தன்னாட்சி அமைப்பாக, சுயேச்சையாக இயங்கும் அமைப்பாகத்தான் பார்க்கப்பட்டு வந்தது. 

ஆனால் தலைமை தேர்தல் ஆணையராக, குஜராத்தில் மோடி ஆட்சியின் கீழ் தலைமை செயலாளராக பணியாற்றிய அச்சல் குமார் ஜோதி நியமிக்கப்பட்ட பின்னர் தேர்தல் ஆணையம் அதன் நடுநிலையில் இருந்து விலகிபாஜக சார்பு நிலை எடுத்து வருகிறது என்ற விமர்சனம் கடுமையாக எழுந்து வருகிறது. 

அதை உண்மையாக்கும் வகையில் மோடி குஜராத்துக்கு சலுகைகள் அறிவித்தப்பின்னர் குஜராத் சட்டமன்றதேர்தல் தேதி அறிவிப்பும் அமைந்தது. 

உபியில் எந்த சின்னத்துக்கு வாக்களித்தால் தாமரைக்கு விழுகிற எந்திரக்கோளாறு.
எந்திரக்கோளாறு என்றால் குறிப்பாக தாமரைக்கு மட்டும்தான் பதிவாகுமா என்ன?

மத்தியில் மோடி பிரதமரான பின்னர் மத்தியஅரசின் முக்கிய  துறைகளில் ஆர்எஸ்எஸ்ஆதரவாளர்கள் ஆக்கிரமித்து வருகின்றனர். 

அவர்களின் மூலம் அந்த துறைகள் பொதுத்தன்மையில் இருந்து விலக்கி, ஒருசார்புத் தன்மையை நோக்கி நகர்த்தப்பட்டு வருகிறது. 
அந்த வரிசையில் தற்போது தேர்தல் ஆணையமும் இணைந்திருக்கிறது.
தோசைசுட்டு வாக்கு சேகரித்த பா.ஜ.க வேட்பாளர்


தற்போது ஆர்.கே.நகரில் நடிகர் விஷாலின் வேட்பு மனு விஷயத்திலும் நிராகரிப்பு, ஏற்பு,மீண்டும் நிராகரிப்பு என தேர்தல் ஆணையத்தின் நடவடிக்கை முன்னுக்குப் பின் முரணாக இருந்து வருகிறது. 

விஷாலின் வேட்புமனுவில் முன்மொழிந்திருந்த இருவர் அது தங்கள் கையொப்பம் இல்லையென கூறியதால் நிராகரிக்கப்பட்டதாக கூறப்பட்டது. 

கையொப்பம் போலி என்றால் அதனை அதிகாரி சட்டரீதியாக உறுதிப்படுத்த வேண்டும். 

நிராகரித்த முடிவை வேட்பாளரிடம் தெரிவித்து, அதனை அவர் ஏற்க மறுக்கும் பட்சத்தில், அதனை சரி என்று நிரூபிக்க ஒரு நாள் அவகாசம் தர வேண்டும் என தேர்தல் விதிமுறைகள் தெரிவிக்கின்றன. 

மேலும் வேட்பாளர் இல்லாத வேளைகளில் மட்டுமே தேர்தல் அதிகாரி தள்ளுபடி அறிவிப்புகளை வெளியிடுகிறார்.

ஆனால் இதில் எந்த விதிமுறையையும் அதிகாரிகள் பின்பற்றியதாகத் தெரியவில்லை. 
அதிகாரிகளை பின்னணியில் இருந்து இயக்குபவர்கள் யார்? 

இது போன்ற அதிகாரிகளை வைத்து அரசு பணத்தை,மக்கள் வரிப்பணத்தை கோடிகளில் செலவிட்டு ஆளுங்கட்சிதான் வென்றது என்று அறிவிக்க தன்னாட்சி அதிகாரங்கள் பெற்ற இந்திய தேர்தல் ஆணையம் எதற்கு ?

ஏலமுறையில் தொகுதிகளை விட்டு விட கிரிக்கட் வாரியம் போன்று ஒரு அமைப்பு இருந்தால் அரசுக்கு வருமானமாவது கிடைக்கும்.
=========================================================================================

ன்று,
டிசம்பர்-08.




  • இங்கிலாந்தில் கிளிஃப்டன் தொங்கு பாலம் திறக்கப்பட்டது1864)


  • ருமேனியா அரசியலமைப்பு தினம்


  • பனாமா அன்னையர் தினம்

==========================================================================================


bakkiyam-ramasamy-2x
‘ஹாஸ்ய’ எழுத்தாளர் பாக்கியம் ராமசாமி காலமானார்

எழுத்தாளர் பாக்கியம் ராமசாமி வியாழக்கிழமை இரவு தனது 87வது வயதில் காலமானார்.

ஜலகண்டபுரம் ராமசுவாமி சுந்தரேசன் (ஜ.ரா.சுந்தரேசன்) என்ற இயற்பெயர் கொண்ட பாக்கியம் ராமசாமி தன் பெற்றோரின் பெயர்களை சேர்த்து தன் புனைப்பெயரை உருவாக்கிக்கொண்டவர். நகைச்சுவை ததும்பும் எழுத்துக்கு பெயர் பெற்று விளங்கிய இவர், குமுதல் வார இதழில் 37 ஆண்டுகள் பணியாற்றினார்.

அப்புசாமி - சீதாபாட்டி ஆகியோர் இவரது கதைகளில் அடிக்கடி வரும் பிரபலமான பாத்திரங்கள். அப்புசாமியும் அற்புத விளக்கும், அப்புசாமியும் 1001 இரவுகளும், அப்புசாமியும் ஆப்பிரிக்க அழகியும் உள்ளிட்ட நாவல்களை தனது தனி முத்திரையான ஹாஸ்ய சுவையுடன் எழுதி எழுத்துலகில் தடம் பதித்தார்.



வால்ட் டிஷ்னி தயாரித்த அலாவுதீனும் அற்புத விளக்கும் என்ற கார்டூன் படத்துக்கு












வசனகர்த்தாவாகவும் பணியாற்றியுள்ளார்.

.

அப்புசாமி - சீதாப்பாட்டி நகைச்சுவை அறக்கட்டளை என்ற பெயரில் அவர் நடத்திய அமைப்பு அவரது பாத்திரங்களுக்கு வாசகர்கள் அளித்த மதிப்புக்கு அடையாளமாகத் திகழ்கிறது. தவிர, அக்கறை என்ற மற்றொரு அமைப்பையும் பாக்கியம் ராமசாமி நடத்தினார்.சிறிது காலம் மலையாள மங்களம் வார இதழ் தமிழில் வந்த போது ஆசிரியராக பொறுப்பேற்றிருந்தார்.

இடைவிடாது தொடர்ந்து எழுதிவந்த பாக்கியம் ராமசாமி, சென்னை சேத்துபட்டில் வசித்து வந்தார். இவருக்கு விஜயலட்சுமி என்ற மனைவியும் ஜெகன், குமார், யோகேஷ் ஆகிய மகன்களும் உள்ளனர். சிறுநீரக கோளாறுக்காக சிகிச்சை பெற்ற அவர் நேற்று நள்ளிரவில் காலமானார். 
தற்பொழுது எல்லாம் கிட்னி பழுது அடைந்தால் டயாலிசிஸ் என்று ரத்தம் மாற்றுகிறார்கள்,
அதிக சிரமம் மற்றும் செலவு
creatinine level 0.6 to 1.3 இருக்க வேண்டும்,அப்படி இந்த level உள் இல்லை என்றால்
கிட்னி failure, function சரியில்லை, ரத்தம் மாற்ற வேண்டும், கிட்னி மாற்ற வேண்டும் என்பார்கள்,
பல லட்சம் செலவு ஆகும், வேதனை வலி இருக்கும்இதை சரி செய்ய எளிய வழி உண்டு.
நாட்டு மருந்து கடைக்கு சென்று இந்து உப்பு என்று கேளுங்கள் கிடைக்கும்,
ஒரு கிலோ 60 ருபாய் மட்டுமே அல்லது 80 ருபாய்இந்த உப்பை கொண்டு வீட்டில் மூன்று வேளையும் உணவு சமைத்து சாப்பிடுங்கள் ,
15 நாட்கள் அல்லது அதிக பட்சம் 30 நாளில்உங்கள் கிட்னி இயல்பு நிலைக்கு திரும்பும் ,
அதன் பிறகு நீங்கள் creatinine level சோதனைசெய்து பாருங்கள் சரியான அளவில் இருக்கும்.
இந்த உப்பை கொண்டு சமைத்த உணவைநோயாளி மட்டும் தான் சாப்பிட வேண்டுமா?

யார் வேண்டுமானாலும் சாப்பிடலாம்,ஒரு வயது குழந்தை முதல் முதியவர்வரை சாப்பிடலாம்
.இமாலய மழை பகுதியில் பாறைகளை வெட்டிஎடுக்க படும் உப்பே இந்து உப்பு இதை ஹிந்துஸ்தான் உப்பு என்பார்கள் , கிள் சென்று ஆங்கிலத்தில் himaalayan rock salt என்று type செய்தால் உங்களுக்கு தகவல் கிடைக்கும்.
உ டலுக்கு தேவையான 80 வகையான தாதுக்கள்  இந்த உப்பில் உள்ளது.
இந்துப்பு குணமாக்கும் வேறு கோளாறுகள்.?
Thyroid பிரச்சனைக்கு கேட்கும்,வாய் கொப்பளித்தால் பல் ஈறுகள் பிரச்சனைவாய் புண் ஆகியவை கேட்கும்
அல்சர் piles வந்தால் பச்சை மிளகாய் தவிர்த்து வர மிளகாய் சேர்ப்பது போல , சாதா உப்பை
தவிர்த்து இந்து உப்பு சேருங்கள் கிட்னி இயல்பு நிலைக்கு திரும்பும்.
ஆங்கில மருத்துவர் கொடுக்கும் வீரியமிக்க மருந்துக்களை  கேள்வி கேட்காமகண்ணை மூடி கொண்டு சாப்பிடுகிற நாம் ,நம் பாரம்பரிய மருந்துக்களை ஒதுக்குவது தவறு.
முற்கால மனிதர்கள்  பயன்படுத்ததக்கது இந்துப்பு தான் என்கிறது ஆயுர்வேதம்.
1. இந்துப்பு சிறிதளவு சுவையுடையது.
2 ஆண்மையை வளர்ப்பது.
3 . மனதிற்கு நல்லது..
4.வாதம், பித்தம், கபம் மூன்றையும் போக்க வல்லது.இலேசானது.
5.சிறிதளவு உஷ்ணமுள்ளது.
6.கடலுப்பை உண்ணும் போது அது முடிவில் இனிப்பாக மாறிவிடும். 
அது விரைவில் சீரணமாகாது.
ஆனால் இந்துப்பு இதற்கு நேர்மாறானது. 
கடலுப்பினால் ஏற்படும் கெடுதலைக்கூட தடுத்து விடும்.
எனவே நீங்கள் இந்துப்பு வாங்கி உணவில் சேர்த்து பயன்படுத்துங்கள்.